Ingezonden door een trouwe lezer van zuidlarenenomgeving

T olde karkie

Vrogger leup ik er wel vake langes, t olde karkie, t was een vrömd ding, dat kleine holten karkie

deur t karkvolk zölf bouwt, dat was ok wel te zien. Moar t stiet alweer een hele tiet leeg, dr kik gien meens meer noar

jongeluu speult er nog wel ies, en of en toe wur d'r 'n ruute ingooid, of  vikkie stookt

ze proat al joaren over sloop en neibouw, t zal dr wel een keer van koom'n.

T orgel is dr al joaren leden uut haalt. Net als de baanken en de preekstoel

Vrogger gung t hier d'r um toe, de domineer kwaamp en de meensen kwam'n van heinde en var

om te luustern. T was n hele biebelvaste, een ledeboeriaan

Van Leeuwen, ja, domineer van Leeuwen dat was zien naam

Hij deed d'r lange over, een preek van drei kwartier was gien uutzundering.

De meensen gamen t rollegie pepermunties an mekaar deur, doar kuj immers zo lekker op zoeg'n

Hij sprak over de hemel alsof e dr zölf  vake op bezuuk kwaamp,  en sprak over de helle zo arg, daj dr bange veur wurden

Hij had veul ontzag, want gien iene wol op de kop krieg'n van de domineer of de olderling

dus wur d'r hard en veul zung'n, psalm iene nuumt moar op, de meensen kwam'n lopend an, of op de fietse.

Moar doar is noe wenig meer van overblev'n, t enigste wat dr nu nog kömp is een verdwaalde katte

Nog heur iet geknisper van fietsbanden op t grind veur 't karkie, op zundag roem veur tiet kwaam'n de mensen al an

Want veur de dienst wurde dr ok al drok ezung'n. Iniens schrik ik op uut mien gedreum, deur t getoeter van n vrachtwagen

en d'r komp ok nog n shovel achteran, ie weet wel zo'n groot geel ding. en ze komt beide dizze kaant op.

en dreit t pad op noart karkie, ja zie wel, toch de leste keer da'k d'r veur langs lopen bin.

Miensen bent noe wiezer worden, en hebt t karkie niet meer zo neudig,

t geleuf zoals vrogger dat  kump niet weerum, en t olde karkie, ach morg'n bestiet ok dat niet meer

Allard